Xelq'ara kechürüm teshkilati yawropa ittipaqigha xitay kishilik hoquq mesilisini xatiriletti

Barosso bilen xitay bash ministiri wén jyabaw jüme küni bélgiye paytexti bryusélda körüshüp, yawropa ittipaqining tibet rohaniy dahisi dalay lamani kütüwalghanliq sewebidin bikar qilin'ghan xitay ‏ - yawropa bashliqlar söhbitini eslige keltürüshke qoshulghan.

Yawropa ittipaqining 2008 ‏ - yilqi re'is döliti, fransiye prézidénti sarkoziy polshada dalay lama bilen uchrashqandin kéyin, xitay yawropa ittipaqi bilen 2008 ‏ - yili 12 ‏ - ayda ötküzidighan bashliqlar yighinini bikar qilghan idi. Xelq'ara kechürüm teshkilati barossogha xet yézip, yawropa ittipaqining xitay bilen küchlük munasiwet qurushni qollaydighanliqini, lékin bu munasiwet öz ‏ - ara hörmet we kishilik hoquq mesiliside semimiy bolush üstige qurulushi lazim, dep qaraydighanliqini bildürgen.

Barosso jüme küni wén jyabaw bilen muxbirlarni kütüwélish yighini chaqirip," biz bügün yawropa ittipaqi bilen xitay arisidiki bashliqlar yighinini pat arida chaqirishni qarar qilduq " dep tekitligen idi. Wén jyabaw bolsa yawropa ittipaqi rehberliri bilen élip barghan söhbet terepler arisidiki "öz ‏ - ara ishenchini" ashurghanliqini ilgiri sürgen.

Yawropa ittipaqi emeldarlirining ashkarilishiche, ikki terep iqtisadi weziyet we pul - mu'amile krizisni muzakire qilghan bolup, xitay özining éghir riqabetke duch kéliwatqanliqini, ishsizliq bu riqabetlerning biri ikenlikini bildürgen shundaqla bu mesilini yawropa ittipaqi bilen hemkarliship hel qilish ümidi barliqini otturigha qoyghan.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar