Клинтон ханим қазақистанни инсан һәқлири вә демократийә саһәсидә қәдимини чоң елишқа чақирди

Клинтон ханимниң бу қетимқи зияритиниң тунҗи бекити қазақситандур; у бүгүн пайтәхт астанида бир гуруппа оқуғучи вә иҗтимаий паалийәтчиләргә сөз қилип америкиниң оттура асия дөләтлиридики инсан һәқлири вәзийитини илгири сүрүш җәһәттики вәдисидә давамлиқ чиң туридиғанлиқини билдүргән. У қазақистанда ечилиш алдида турған явропа бихәтәрлик кеңишиниң алий дәриҗиликләр учришиш йиғини қазақситанниң инсан һәқлири мусаписидики қәдәмлири дәп көрситиш билән биллә, оттура асия дөләтлириниң инсан һәқлири вә демократийә җәһәттә хели көп бошлуқлири вә қилишқа тегишлик йәнә көп ишлири барлиқини агаһландурған.

Қазақистанниң саһипханлиқида әтә рәсмий башлинип икки күн давам қилидиған явропа бихәтәрлик кеңишиниң алий дәриҗиликләр йиғинида, районниң бихәтәрлики вә афғанистан вәзийити қатарлиқ темиларда музакирә елип берилиду. Клинтон ханим бу йиғиндин кейин қирғизистан вә өзбәкистанни зиярәт қилип президент роза отунбайева вә ислам кәримоплар билән көришиду.