Klinton xanim qazaqistanni insan heqliri we démokratiye saheside qedimini chong élishqa chaqirdi

Klinton xanimning bu qétimqi ziyaritining tunji békiti qazaqsitandur؛ u bügün paytext astanida bir guruppa oqughuchi we ijtima'iy pa'aliyetchilerge söz qilip amérikining ottura asiya döletliridiki insan heqliri weziyitini ilgiri sürüsh jehettiki wediside dawamliq ching turidighanliqini bildürgen. U qazaqistanda échilish aldida turghan yawropa bixeterlik kéngishining aliy derijilikler uchrishish yighini qazaqsitanning insan heqliri musapisidiki qedemliri dep körsitish bilen bille, ottura asiya döletlirining insan heqliri we démokratiye jehette xéli köp boshluqliri we qilishqa tégishlik yene köp ishliri barliqini agahlandurghan.

Qazaqistanning sahipxanliqida ete resmiy bashlinip ikki kün dawam qilidighan yawropa bixeterlik kéngishining aliy derijilikler yighinida, rayonning bixeterliki we afghanistan weziyiti qatarliq témilarda muzakire élip bérilidu. Klinton xanim bu yighindin kéyin qirghizistan we özbekistanni ziyaret qilip prézidént roza otunbayéwa we islam kerimoplar bilen körishidu.