Nezerbend astidiki xitay ema kishilik hoquq pa'aliyetchisi chén gu'angching qéchip ketti

Uzundin buyan a'ilisige nezerbend qilin'ghan xitay ema kishilik hoquq pa'aliyetchisi chén gu'angching nezerbend astidin qéchip ketken.
Muxbirimiz erkin
2012.04.27

Uning qandaq qachqanliqi éniq bolmisimu, biraq da'iriler xé péyrong isimlik bir pa'aliyetchini chén gu'angning qéchishigha yardem qilghan, dégen seweb bilen tutqun qilghan.

Amérikida pa'aliyet qilidighan “Junggo yardem jem'iyiti” namliq bir xristi'an diniy teshkilat tor békitide bayanat élan qilip, chén gu'angchingning hazir mutleq bixeter yerde panahliniwatqanliqini bildürgen. Mezkur jem'iyetning mes'uli bishop fu, b b s gha bergen uchurida chén gu'angchingning béyjingda ikenlikini ilgiri sürgen.

Bezi axbarat wasitiliri chén gu'angchingning tünügün amérika elchixanisigha kiriwalghanliqini xewer qilghan idi. Biraq bu xewerning rastliqi hazirgha qeder amérika elchixanisi teripidin ispatlanmighan. Shunga chén gu'angchingning qeyerde ikenliki hazir bir sir bolup qalghan.

Chet'elde chiqidighan xitay öktichi tor betliridin boshün tor békiti jüme küni chén gu'angchingning sin'alghu sözini élan qildi. Sin'alghuda chén gu'angching “Men hazir erkin bolsammu, biraq endishem tügimidi” dégen. Chén gu'angchingning ilgiri sürüshiche, u da'irilerning uning a'ilisidin öch élishidin endishe qilidiken.

Dégendek da'iriler 26‏-aprél chén gu'angchingning shendung linjyang shehiri dungshigu kentide olturushluq akisi chén gu'angfu bilen uning oghli chén kéguyni kent kadirlirini yarilandurghan, dep eyiblep tutqun qilghan. Muxbirlar bügün xitay tashqi ishlar ministirliqi bayanatchisi lyu wéymindin chén gu'angchingning qéchip kétish weqesini sorighan bolsimu, biraq lyu wéymin buninggha jawab bermigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.