Kishilik hoquqni közitish teshkilati hindonéziye prézidéntining xitaygha bésim ishlitip, “Xelq'ara iz déreksiz ghayib bolghanlarni qoghdash ehdinamisi” gha imza qoydurushni telep qildi

Kishilik hoquqni közitish teshkilatining aldinqi küni élan qilghan mezkur bayanati “5‏-Iyul weqesi” de iz déreksiz ghayib bolghan Uyghurlar we yéqindin béri iz déreksiz ghayib bolghan bezi xitay öktichilirining aqiwiti xelq'ara jem'iyetning diqqitini qozghighan bir peytke toghra kelgen idi.

Hindonéziye “Xelq'ara iz déreksiz ghayib bolghanlarni qoghdash ehdinamisi” gha 2010‏-yili imza qoyghan idi.

Kishilik hoquqni közitish teshkilatining asiya ishlar mes'uli sofiye richardsén, mezkur ehdinamige imza qoyush hindonéziye hökümitining ötmüshtiki éghir depsendichilik qilmishi bilen yüzlishish iradisini ipadilepla qalmay, bu yene uning xelq'ara kishilik hoquq méxanizmini qollash iradisini namayan qilidu” dégen.

Richardson xanim yene eskertip, prézidént yodiyononing xitayni“Hindonéziyidin ülge élishqa we depsendichilikke xatime bérishke chaqirishi kérekliki” ni tekitligen. Hindonéziye “5‏-Iyul weqesi” de bezi islam jama'etliri namayish qilip, xitay da'irilirining Uyghur namayishchilirini basturghanliqigha naraziliq bildürgen sherqiy jenubiy asiyadiki birdin-bir dölettur.