Хитай кишилик һоқуқ җәһәттин “начарниңму начири” дәп баһаланди

Кишилик һоқуқ хатириси әң начар дөләтләр елан қилинған бу тизимликтә хитай, берма, шималий корийә, түркмәнистан, өзбекистан, сомали, ливийә қатарлиқ 17 дөләт йәр алған. Доклатта бу дөләтләр “начарниңму начири” дәп тәрипләнгән.

Әркинлик сарийиниң директорлиридин павла шерферниң мухбирларға ейтишичә, юқирида исми тилға елинған дөләтләрниң пуқралири бир инсан еришишкә тегишлик болған әң асасий һоқуқлиридинму мәһрум болуп, охшимайдиған чүшәнчә вә һәрқандақ һәрикәт еғир җазаға тартилидиған бу дөләтләрдә өктичи һәрикәтниң мәвҗут болушиға қилчиликму йол қоюлмайдикән.

Павла шерфер ханим сөзидә бу дөләтләрниң сиясий әркинлик әһвалида илгирики йилларға нисбәтән азрақму бир илгириләш болмиғанлиқини, буниң кишини қаттиқ әпсусландуридиғанлиқини ейтти.