Нюйорктики кишилик һоқуқ көзитиш тәшкилати хитайни хәлқара мусапирлар мәсилисидә әйиблиди

Мәркизи нюйорктики кишилик һоқуқ көзитиш тәшкилати 26 - июн сәйшәнбә күни доклат елан қилип, хитай һөкүмитини "хәлқара мусапирлар әһдинамисигә қол қойған дөләт туруқлуқ, мусапирлар мәсилисидә өз бурчини ада қилмиди" дәп тәнқидлиди.
Мухбиримиз меһрибан
2012-06-26
Share


Доклатта хитай һөкүмитиниң өткән йили бермида йүз бәргән һөкүмәт армийиси билән өктичи күчләр оттурисидики ички урушта, хитайдин панаһлиқ тиләп, йүннән өлкисигә киргән 10 миңдин артуқ бермилиқ мусапирниң ичидә, өктичи тәрәпкә тәвә болған нәччә йүз нәпәр бермилиқни берма һөкүмитигә қайтуруп бәргәнликини һәм хитайниң хәлқара мусапирлириға аҗратқан пулиниң толиму аз икәнликини тәкитлигән.

Бирләшкән дөләтләр тәшкилатиниң тор бекитидики учурлардин мәлум болушичә, нөвәттә хитай ичидә панаһлиқ тилигән хәлқара мусапирлар 300 миңға йетидиған болуп, уларниң зор көп қисми шималий корийә, берма қатарлиқ хитайға чегридаш дөләтләр пуқралири икән. Һалбуки, һәр хил сәвәбләр түпәйлидин хитайдин чәтәлләргә мусапир болуп чиққанларниң сани 200 миңға йетидикән. Доклатта хитайниң хәлқара мусапирлар үчүн аҗратқан ярдәм пулиниң йилиға 250 миң доллар икәнлики оттуриға қоюлуп, "хитай өзиниң хәлқара мусапирлар мәсилисидики иқтисадий бурчини ада қилмиди" дәп тәнқидләнгән. Мәлум болушичә, хитайниң қошниси болған японийә қатарлиқ дөләтләрниң хәлқара мусапирларға аҗратқан ярдәм пули йилиға 100 милйон америка доллири әтрапида икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт