Кирис симис хитайдики диний бастуруш һәм инсан һәқлири дәпсәндичиликигә учриғанларға һәмдәм болушни тәкитлиди

Америка дөләт мәҗлиси әзаси кирис симис, йеқинда америка авази мухбириниң зияритини қобул қилип, хитайдики диний бастуруш һәм инсан һәқлири дәпсәндичиликигә учраватқанларға һәмдәмдә болушни тәкитлиди.
Мухбиримиз меһрибан
2012-08-24
Share

Хитайда давамлишиватқан диний етиқад чәклимилири һәм инсан һәқлири дәпсәндичиликигә қарита, тәдбир қоллиниш керәкликини тәкитлигән кирис симис әпәнди, "биз хитайдики бастурулушқа учраватқан хәлқ билән бир сәптә турушимиз керәк. Биз илгири сабиқ совет иттипақидики бундақ кишиләргә ярдәм қилған идуқ. Бүгүнки күндә хитайдики бастурулушқа учраватқан, әркинликкә тәшна болған кишиләргиму ярдәм қилишимиз керәк" дегән.

Кирис әпәнди сөзидә йәнә, обама һөкүмитиниң хитайға юмшақ сиясәт қоллиниватқанлиқини тәнқидләп, "мениңчә, һөкүмитимиз хитайдики кишилик һоқуқ һәм диний етиқад әркинлики мәсилисидә америкиға хас әхлақни ташливәтти. Биз әсли хитай билән болған бәзи һәмкарлиқларда мәлум шәртләрни қоюш арқилиқ, хитайда давамлишиватқан қийнап иқрар қилдуруш, мәҗбурий бала чүшүрүш, диний етиқадни бастуруш һәм диний мухлисларға зиянкәшлик қилиш қилмишлирини тохтитишни тәләп қилишимиз керәк иди" дегән.

Кирис симис әпәнди 1981-йилдин буян дөләт мәҗлисидә вәзипә өтәватқан болуп, у көп қетим хитайдики инсан һәқлири һәм диний етиқад дәпсәндичилики һәққидә испат бериш йиғинлирини орунлаштуруп кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт