Kiris simis xitaydiki diniy basturush hem insan heqliri depsendichilikige uchrighanlargha hemdem bolushni tekitlidi

Amérika dölet mejlisi ezasi kiris simis, yéqinda amérika awazi muxbirining ziyaritini qobul qilip, xitaydiki diniy basturush hem insan heqliri depsendichilikige uchrawatqanlargha hemdemde bolushni tekitlidi.
Muxbirimiz méhriban
2012-08-24
Share

Xitayda dawamlishiwatqan diniy étiqad cheklimiliri hem insan heqliri depsendichilikige qarita, tedbir qollinish kéreklikini tekitligen kiris simis ependi, "Biz xitaydiki basturulushqa uchrawatqan xelq bilen bir septe turushimiz kérek. Biz ilgiri sabiq sowét ittipaqidiki bundaq kishilerge yardem qilghan iduq. Bügünki künde xitaydiki basturulushqa uchrawatqan, erkinlikke teshna bolghan kishilergimu yardem qilishimiz kérek" dégen.

Kiris ependi sözide yene, obama hökümitining xitaygha yumshaq siyaset qolliniwatqanliqini tenqidlep, "Méningche, hökümitimiz xitaydiki kishilik hoquq hem diniy étiqad erkinliki mesiliside amérikigha xas exlaqni tashliwetti. Biz esli xitay bilen bolghan bezi hemkarliqlarda melum shertlerni qoyush arqiliq, xitayda dawamlishiwatqan qiynap iqrar qildurush, mejburiy bala chüshürüsh, diniy étiqadni basturush hem diniy muxlislargha ziyankeshlik qilish qilmishlirini toxtitishni telep qilishimiz kérek idi" dégen.

Kiris simis ependi 1981-yildin buyan dölet mejliside wezipe ötewatqan bolup, u köp qétim xitaydiki insan heqliri hem diniy étiqad depsendichiliki heqqide ispat bérish yighinlirini orunlashturup kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet