Birleshken döletler teshkilati kishilik hoquq emeldari bayanat élan qildi

Birleshken döletler teshkilatining kishilik hoquq mesililiri boyiche aliy derijilik emeldari bu hepte 2010- yilliq dunya kishilik hoquq ehwali heqqide bayanat élan qildi. Doklatta 2010- yilidiki kishilik hoquq depsendichiliki aldinqi yillardikidin éghir bolghanliqi otturigha qoyulghan.
Muxbirimiz méhriban
2010.12.24

Doklatta 2010-yilidiki kishilik hoquq xatiriside bir qisim diktator döletlerde kishilik hoquq pa'aliyetchilirining hökümet teripidin dawamliq ziyankeshlikke uchrawatqanliqi otturigha qoyulup, herqaysi döletlerdin kishilik hoquq pa'aliyetchilirini qoghdash telep qilin'ghan.

Xitay weziyitini közetküchilerning qarishiche, 2010- yili xitay hökümiti xitaydiki kishilik hoquq aktipliri, démokratik zatlar hem hökümetning siyasitige narazi bolghuchilarni eng qattiq basturghan bir yil hésablinidiken. Bolupmu, xitay hökümitining “5- Iyul ürümchi weqesi” din kéyin nurghunlighan Uyghurlargha ölüm jazasi hem muddetsiz qamaq jazasi bérishi, xitayda puqralarning pikir erkinlikini cheklep, intérnét uchur wasitilirini qamal qilishi, xitay hökümitini tenqidligen kishilik hoquq aktipliri hem ilghar pikirlik ziyaliylarni, muxbir, yazghuchilarni teqib astigha élip, hetta ularni qamaq jazasigha höküm qilishi, xelq'ara jem'iyette xitayning kishilik hoquq xatirisini yenimu nacharlashturghan amillardin hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.