Kishilik hoquq teshkilatliri: amérika xitay bilen bolghan kishilik hoquq di'alogini toxtitishni oyliship körüshi kérek

Xelq'ara kechürüm teshkilati, kishilik hoquqni közitish teshkilati qatarliq xelq'ara teshkilatlar pikir bildürüp, amérika hökümitining her yili xitay bilen élip baridighan kishilik hoquq di'alogini toxtitishni oyliship körüshi kéreklikini bildürdi.
Muxbirimiz erkin
2011.04.29
Share on WhatsApp
Share on WhatsApp

Yuqiriqi teshkilatlarning peyshenbe küni ilgiri sürüshiche, kishilik hoquq mesilisi kishilik hoquq di'alogi bilen cheklinip qalmasliqi kérek, u amérika-xitay arisidiki barliq söhbetlerge kirgüzülüshi lazim iken.

Xelq'ara kechürüm teshkilatining washin'gton shöbisining mes'uli t. Kumar fransiye agéntliqigha eskertip, “Eger kishilik hoquq di'alogi héchqandaq emeliy netije bermise, amérika di'alogning yene dawamlashturush zörüriyiti bar -yoqluqini oylishishi kérek” dégen.

Uning eskertishiche, bolmisa amérika xitayning bir tereptin kishilik hoquqni depsende qilip, yene bir tereptin di'alogni qalqan qilip özini aqlishigha purset yarip bergen bolidiken.

Kishilik hoquq teshkilatlirining yuqiriqi pikri amérika-xitay kishilik hoquq di'alogi béyjingda ötküzülüwatqan peytke toghra kelgen idi. Amérika yardemchi dölet ishlar ministiri, amérika terep söhbet wekili mayk poznérning bildürüshiche, ikki künlük di'alog jeryanida ey wéywéy qatarliq öktichi xitaylarning tutqun'gha uchrash mesilisi otturigha qoyulghan.

U, xitay kishilik hoquq weziyitining “Jiddiy arqigha chékin'genliki” ni bildürgen idi.

Kishilik hoquqni közitish teshkilatining ilgiri sürüshiche, mayk poznér béyjingdiki ikki künlük yighinda nahayiti muhim mesililerni otturigha qoyghan bolsimu, lékin bu mesililer téximu yuqiri derijilik di'aloglarda otturigha qoyulushi lazim.

Amérika bilen xitay kéler ayning otturiliri washin'gtonda istratégiye we iqtisad söhbiti élip baridu. Amérika terepning ashkarilishiche, yighinda kishilik hoquq mesilisi küntertipke kélidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.