Hilariy klinton xanim shenbe küni xitaygha bardi

Amérika tashqi ishlar ministiri hilariy klinton xanim shenbe küni xitaygha bérip, xitay dölet ishlar meslihetchisi dey binggo bilen körüshken. Dey binggo xitay dölet ishlar ministirliqi tashqi ishlar ishxanisining mudiri bolup, xitaydiki eng nopuzluq diplomatlarning biri iken.
Muxbirimiz jume
2010-10-30
Share

Klinton xanim wyétnam paytexti xanoyda chaqirilghan asiya elliri aliy derijilikler uchrishishidin kéyin xitaygha barghan.

Fransiye agéntliqining xewer qilishiche, uchurushush xeynen arilidiki bir ayrodromning muhim erbablarni kütüsh zalida élip bérilghan.

Klinton xanim shenbe küni etigende wyétnam paytexti xanoygha yighin'gha kelgen xitay tashqi ishlar ministiri yang jyéchi bilen körüshken. Melum bolushiche, klinton xanim we yang jyéchi, xitayning siyrek topa siyasiti keltürüp chiqarghan diplomatiye mesilisi üstide söhbetleshken.

Klinton xanimning bildürüshiche, yang jyéchi xitay hökümitining siyrek topa éksportini toxtitip qoyush niyiti yoqluqini bildürgen.

Halbuki, klinton xanim bilen dey binggo arisidiki uchrishishta némilerning otturigha qoyulghanliqi hazirche namelum.

Xewerlerde ilgiri sürülüshiche, ularning yenila siyrek topa mesilisi, bir qisim asiya elliri arisida kélip chiqqan déngiz teweliki detalishi qatarliqlar üstide söhbetlishishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet