Talibanlar kabuldiki eng chong méhmanxanigha hujum qildi

Fransiye agéntliqining bayan qilishiche, afghanistanning kabul shehiridiki bir xelq'araliq chong méhmanxana 29‏-iyun küni kéchide hujumgha uchrighan.
Muxbirimiz weli
2011.06.29

Bomba we o q awazi besh kilométir yiraqliqqa anglan'ghan. Talibanlarning bayanatchisi bu weqege ige chiqip, bu hujumni talibanlar özi pilanlan'ghan we qozghighan dep jakarlighan.

B b s ning bayan qilishiche, kabul shehiridiki bu xelq'araliq méhmanxanida méhmanlar kechlik ghiza yewatqanda, méhmanxanining aldida bir qétim, ikkinchi qewette bir qétim bomba partlighan. Méhmanxanini is-tütek qaplighan. Afghanistan bixeterlik qisimliri nato qisimlirining uchquchisiz ayropilani we tik ucharlirining himayiside heriket qilip, méhmanxanini qoghdighan.

Hujum qozghighan 3 talibanni afghanistan bixeterlik xadimliri étip öltürgen. Étishish birnechche sa'et dawam qilghan.

Méhmanxanining ögzisige chiqiwélip, malimanchiliqta sirtqa qachqan méhmanlargha qarita oq yaghdurushqa bashlighan 6 talibanni, nato qisimlirining tik uchar bilen kelgen mergenliri étip öltürgen. Emma talibanlarning hujumida ölgen bigunah ademlerning sani téxi tuluq melum qilinmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.