Bu yil qishta Uyghur élidin yurtlirigha chaghan ötküzüshke qaytidighan xitay ishlemchiliri köpiyidighanliqi perez qilindi

"Uyghur biz" torining xelq'ara tor békitining xewer qilishiche, Uyghur aptonum rayonluq tömüryol idarisi uqturush chiqirip, bu yil 11 - öktebirdin 31 - dékabirghiche bolghan 82 künlük "Qishliq qatnash mezgili" de, yoluchilarning 5 milyon880ming adem qétimgha yétip, bulturqi oxshash mezgildikidin 7.4% Ashidighanliqini, shunga bu yil "Qishliq qatnash mezgili"de, yoluchilar üchün 200 dane wagonning köpeytilidighanliqini bildürgen.
Muxbirimiz méhriban
2012-09-11
Share


Xewerdin melum bolushiche, bu yil xitay ölkiliridiki yurtlirigha chaghan ötküzüsh üchün qaytidighan xitay ishlemchiliri2 milyon 930ming bolup, bularning ichide bir milyon 760 ming déhqan ishlemchiliri, 300 ming qurulush ishchiliri bar iken.

Bu yilning aldinqi yérimida Uyghur aptonum rayon da'iriliri Uyghur élidiki köchme nopustikilerdin tehminen 6 milyon ademning turaqliq nopusqa orunlashturulup, ularning rayondiki parawanliqtin behrimen qilinidighanliqini bildürgen idi. Xitay weziyitini közetküchiler bu heqte toxtilip, gerche da'iriler Uyghur élige yerleshtürülidighan köchme nopustikilerning millet terkibini élan qilmighan bolsimu, emma bularning asasen rayon'gha ishlemchilikke kelgen xitay ishlemchiliri ikenligini ilgiri sürüp, rayondiki xitay ishlemchilirining barghanche köpiyishi rayondiki yerlik millet Uyghurlargha téximu chong tehditlerni élip kélidighanliqini agahlandurmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet