Җуңғар ойманлиқида көмүр қатлими газини ечиш башланди

14 - Майдики уйғур хәвәрлиридин мәлум болушичә, уйғур дияри җуңғар ойманлиқидики көмүр қатлими газини ечиш хизмити башланған. Җуңғар ойманлиқи көмүр гази қатлимини чарлаш - тәтқиқ қилиш бирләшмә җәң гурупписи, дәп қурулған бир гуруппа қарамай нефитлик чарлаш, ечиш, тәтқиқ қилиш орнида рәсмий қурулған болуп бу уйғур диярий нефитликиниң көмүр қатлими газини чарлаш тәтқиқатиниң рәсмий башланғанлиқидин дерәк беридикән.
Мухбиримиз ирадә
2009-05-14
Share

Көмүр қатлими гази көмүр қатлимидики сүмүргүч газ болуп, көмүр билән биллә туридиған, сөмүргүч һалитидә көмүр қатлимида сақлинидиған бир хил тәбиий газ икән.

Мутәхәссисләрниң қаришичә, уйғур дияридики көмүрлүкниң записи 5.9 Тирлйон купметир болуп тәбиий газ записи билән тәң икән. Бу рәқәм хитайниң пүтүн көмүр қатлими гази записиниң 26 пирсәнтини тәшкил қилидиған болуп, хитайдики газ миқдари бир тирлйон купметирдин ашидиған 9 ойманлиқниң 4 и уйғур диярида икән.

Хитай йеқинқи йиллардин буян уйғур дияриниң йәр асити кан байлиқлирини ечиш хизмитини күчәп елип бериватқан болуп, җәнубий җуңғар көмүрлүки, турпан - қумул көмүрлүки вә куча - бай көмүрлүки көмүр қатлими газини чарлаш - тәкшүрүш пиланлириниму йолға қойған.

Һазир уйғур диярида тәбиий газ билән бирликтә записи мол вә кәң даиридә сақлинип ятқан көмүр қатлими газини йеңи ениргийә сүпитидә ечиш башланған.

Әмма уйғурларниң инкас қилишичә, уйғур дияриға тәвә болған бу тәбиий байлиқлардин уйғурлар қилчиликму мәнпәәт алалмайватқан болуп, буниңдин пүтүнләй ичкиридин кәлгән хитай ширкәтлири вә улар елип кәлгән ишчилар мәнпәәт алидикән.    



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт