Jungghar oymanliqida kömür qatlimi gazini échish bashlandi

14 - Maydiki Uyghur xewerliridin melum bolushiche, Uyghur diyari jungghar oymanliqidiki kömür qatlimi gazini échish xizmiti bashlan'ghan. Jungghar oymanliqi kömür gazi qatlimini charlash - tetqiq qilish birleshme jeng guruppisi, dep qurulghan bir guruppa qaramay néfitlik charlash, échish, tetqiq qilish ornida resmiy qurulghan bolup bu Uyghur diyariy néfitlikining kömür qatlimi gazini charlash tetqiqatining resmiy bashlan'ghanliqidin dérek béridiken.
Muxbirimiz irade
2009-05-14
Élxet
Pikir
Share
Print

Kömür qatlimi gazi kömür qatlimidiki sümürgüch gaz bolup, kömür bilen bille turidighan, sömürgüch halitide kömür qatlimida saqlinidighan bir xil tebi'iy gaz iken.

Mutexessislerning qarishiche, Uyghur diyaridiki kömürlükning zapisi 5.9 Tirlyon kupmétir bolup tebi'iy gaz zapisi bilen teng iken. Bu reqem xitayning pütün kömür qatlimi gazi zapisining 26 pirsentini teshkil qilidighan bolup, xitaydiki gaz miqdari bir tirlyon kupmétirdin ashidighan 9 oymanliqning 4 i Uyghur diyarida iken.

Xitay yéqinqi yillardin buyan Uyghur diyarining yer asiti kan bayliqlirini échish xizmitini küchep élip bériwatqan bolup, jenubiy jungghar kömürlüki, turpan - qumul kömürlüki we kucha - bay kömürlüki kömür qatlimi gazini charlash - tekshürüsh pilanlirinimu yolgha qoyghan.

Hazir Uyghur diyarida tebi'iy gaz bilen birlikte zapisi mol we keng da'iride saqlinip yatqan kömür qatlimi gazini yéngi énirgiye süpitide échish bashlan'ghan.

Emma Uyghurlarning inkas qilishiche, Uyghur diyarigha tewe bolghan bu tebi'iy bayliqlardin Uyghurlar qilchilikmu menpe'et alalmaywatqan bolup, buningdin pütünley ichkiridin kelgen xitay shirketliri we ular élip kelgen ishchilar menpe'et alidiken.    



Toluq bet