Qeshqer wilayiti konasheher nahiyisi bu yil ichide 10 minggha yéqin "éshincha emgek küchi"ni terbiyiligen

Qeshqer wilayiti konasheher nahiyisi éshincha emgek küchlirini sirtqa yötkesh siyasiti boyiche bu yil ichide 10 minggha yéqin emgekchi üstidin terbiyilesh élip barghan.
Muxbirimiz jüme
2010.07.31

"Qeshqer hökümet xewerliri" torida körsitishiche, konasheher nahiyiside emgek küchlirini sirtlargha yötkeshtin ilgiri terbiyileydighan merkezler échilghan. Terbiyilesh merkezliri konasheher nahiyilik emgek küchlirini sirtqa yötkesh ishxanisining bashqurushida bolup, bu yil ichide jem'iy 9 ming 474 adem terbiyilen'gen. Xewerde körsitishiche, mezkur terbiyilesh merkizi bu yil jem'iy 8 qétim terbiyilesh élip barghan. Emma bu jeryanda qanchilik oghul we qanchilik qiz kursantning terbiyiligenliki éniq körsitilmigen. Xewerde bérilgen resimge qarighanda, terbiyilesh séxidiki kursantlarning hemmisi yash Uyghur qizliri iken. Xitay hökümiti 2004 - yilidin Uyghur élide éshincha emgek küchlirini sirtqa yötkesh siyasitini yolgha qoyghan we 2006 - yildin buyan kücheytip yürgüzgenidi. Bu jeryanda nurghun Uyghur qizliri xitay ölkiliridiki zawutlargha yötkelgen. Mezkur siyaset Uyghurlar arisida küchlük naraziliq qozghighan idi. 2009 - Yilidiki "shawgüen weqesi", xitay hökümiti Uyghur élidin xitay ölkisige yötkigen Uyghurlarning hujumgha uchrash weqesi bolup, mezkur weqe 2009 - yildiki " 5 - iyul ürümchi weqesi" ning yüz bérishige seweb bolghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.