Jenubiy koriye dölet mudapi'e ministiri shimaliy koriyining hujumi sewebidin istipa berdi

Jenubiy koriye dölet mudapi'e ministiri kim téyung shimaliy koriyining buningdin ikki kün burun jenubiy koriye herbiy bazisini topqa tutup, 4 kishining ölüshini keltürüp chiqarghan qoralliq ighwagerchilikige inkas qayturushta boshangliq qilish bilen tenqidke uchrap wezipisidin istipa berdi.
Muxbirimiz erkin
2010.11.25
Share on WhatsApp
Share on WhatsApp

Kim téyung istipa bérishtin sel burun prézidént lé mingbak, yunyong arilidiki shimali koriye bilen bolghan chégra liniyiside qoshun köpeytidighanliqini élan qilghan. Lékin bu hökümetke qaritilghan tenqidni peseytelmigen idi.
Kim téyung shimaliy koriye topchi qisimlirining yunyung arilidiki jenubiy koriye her biy bazisini topqa tutush weqesidin kéyin, jenubiy koriye parlamént ezaliri we hetta prézidént lé mingbakning hakimiyet béshidiki partiyisining shiddetlik tenqidige uchrighan. Parlamént ezaliri kim téyung istipa bérishtin bir qanche sa'et burun lé mingbak hökümitini tenqidlep, hökümetning bu weqege teyyarliqsiz qalghanliqini we jenubiy koriye armiyisining hujumgha kéchikip inkas qayturghanliqini ilgiri sürgen. Xewerlerdin melum bolushiche, prézidént lé mingbak kim téyungning istipasini qobul qilghan bolup, yéngi dölet mudapi'e ministiri bügün teyinlinidiken.

Shimaliy koriyining jenubiy koriyini topqa tutush weqesi dunya jama'etchlikining diqqitini qozghap, nurghun döletler shimalni eyibligen we xitaydin öz tesirini qollinip yungyanggha nesihet qilishni telep qilghan idi. Lékin, shimaliy koriye ighwagerchilikni aldi bilen jenubiy koriye qozghighanliqini ilgiri sürüp, eger jenubiy koriye yene ighwagerchilik qilsa uninggha hujum qilidighanliqini agahlandurghan. Jenubiy koriye prézidénti lé mingbak peyshenbe küni kabént ezalirining pewqul'adde yighini chaqirip, shimaliy koriyining yene "hujum qilish éhtimali barliqi we bu qétim eskerlerning ölüshige qarap turmasliqni" telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.