Jenubiy koriyilikler namayish ötküzüp, xitayning shimaliy koriye mesilisidiki meydanini eyiblidi

29Noyabir düshenbe küni, bir qisim jenubiy koriyilikler sé'uldiki xitay elchixanisi aldi we sheher merkizide namayish ötküzüp, xitayning shimaliy koriye mesiliside jim turuwatqanliqini eyiblidi
Muxbirimiz jüme
2010.11.29
Share on WhatsApp
Share on WhatsApp

Bu namayishni jenubiy koriyidiki "koriye erkinlik fédératsiyisi" teshkilati uyushturghan. Xitay elchixanisi aldida ötküzülgen namayishqa 150 etrapida adem qatnashqan.

Namayishchilar shimaliy koriye prézidénti kim jung-ilning foto süretlirini köydürgen we " kim jung-il we kim jung-un diktatoriliqi yoqalsun" dégendek sho'arlarni towlashqan.

Sé'ulning sheher merkizide élip bérilghan namayishqa 300 din artuq adem qatnashqan bolup, namayishchilar kim jung-ilning modélini köydürgen we uning béshigha simwol qilin'ghan tawuzlarni yérip ghezipini ipadiligen.

Ötken seyshenbe küni, shimaliy koriye jenubi koriyige top bilen hujum qilghan we bir nechche jenubi koriyilikning ölüshige seweb bolghan idi.

Dunya jama'etchiliki shimaliy koriyining mezkur qilmishini qattiq eyibligen bolsimu, xitay da'iriliri shimaliy koriyige bu heqte ipade bildürmigen. Bu jenubiy koriyiliklerning ghezipini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.