Jenubiy koriye we yaponiye herbiy hemkarliq kélishimi imzalidi

Jenubiy koriye bilen yaponiye bügün ikki dölet arisidiki herbiy munasiwetni kücheytishke a'it kélishim imzalidi.
Muxbirimiz irade
2012.06.28

Bu herbiy xewpsizlik kélishimi boyiche, ikki dölet belgilen'gen herbiy uchurlarni almashturush shundaqla sherqiy jenubiy asiyaning xewpsizlikige alaqidar sahelerde hemkarliqni kücheytidiken.

Xelq'ara iqtisad waqti gézitining éytishiche, 1910-1945-yilliri arisida yapon impériyisining koriye yérim arilini özige qoshuwélishqa urunushi sewebidin yaponiyidin dawamliq éhtiyat qilip kelgen jenubiy koriyining bu qedemni tashlishi, hem jenubiy koriye xelqini, hem rayon weziyitini közetküchilerni heyran qaldurghan. Ular buni “Tarixi bir weqe” dep bahalighan. Ularning qarishiche, bu ikki döletning herbiy hemkarliqni ashurmaqchi bolushi, shimaliy koriyining yadro tehditige qarshi turushni we xitayning rayonda künsayin zoriyiwatqan herbiy küchige ortaq taqabil turushni meqset qilidiken.

Jenubiy koriyining yaponiye bilen herbiy munasiwetni kücheytmekchi bolushi dölet ichide oxshimighan munazirilerni yaratqan. Öktichi partiyiler arisida hetta koriye bash ministiri li mungbakni “Döletni sétish” bilen eyibligüchilermu bolghan. Emma, amérika tashqi ishlar ministirliqi bu heqte élan qilghan bayanatida, bu qararni qarshi alidighanliqini bildürüp “Amérika yaponiye we jenubiy koriyidin ibaret ikki shérikining munasiwetlirini qoyuqlashturushini qollaydu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.