Kuchadiki bir kanda weqe yüz bérip, 7 adem kan astida qaldi

Uyghur aptonom rayonining kucha nahiyisidiki bir kömür kanda weqe yüz bérip, 7 adem kan astida qamilip qalghan. Weqe düshenbe küni etigen seherde yüz bergen bolup, kan quduqlirining biridin gaz chiqip kétip, kan astida meshghulat élip bériwatqan kan ishchiliridin 7 kishi kan astida qalghan.
Muxbirimiz erkin
2010-08-09
Share

Bu heqtiki xewerlerde weqening kuchaning shimaligha jaylashqan taghliq jilghidiki bir kömür kanda yüz bergenlikini ilgiri sürgen bolsimu, lékin weqe heqqide tepsiliy uchur bérilmigen. Kömür kanning kim teripidin bashqurulidighanliqi, kan astida qalghan ishchilarning yerlik xelq yaki ichkiridin chiqqan xitay köchmenliri ikenliki melum emes.

Xitay da'iriliri yéqinqi yillardin buyan Uyghur aptonom rayonida shexslerning kan échish hoquqini kéngeytip, xitay karxanichilirini köplep jelp qilghan. Lékin bu siyasetni tenqid qilghuchilar da'irilerni xitay karxanichilirini jelp qilishni közlep, kömür kanlirining bixeterlik ölchimi we ékologiyilik buzghunchiliqqa sel qarash bilen eyiblep kelgen idi.

Igilishimizche, kuchadiki kömür kan weqeside qutquzush xadimliri düshenbe küni chüshtin kéyin sa'et 1:00 ge qeder 5 qétim kan astigha chüshken. Lékin kan astida qamilip qalghan ishchilarning hayat - mamatliqi hazirgha qeder melum emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet