Lé'on panétta, amérikining köp tereplimilik urush qilish iqtidarini saqlap qélishi intayin muhim, dep körsetti

Amérika dölet mudapi'e ministiri lé'on panétta burnakün hindistan dölet mudapi'e we aniliz institutida söz sözlep, amérikining ikki yaki köp tereplimilik urush qilish iqtidarini saqlap qélishi intayin muhim, dep körsetken.
Muxbirimiz erkin
2012.06.08
Share on WhatsApp
Share on WhatsApp

Panéttaning ilgiri sürüshiche, amérika özining asasliq diqqet nuqtisi kelgüside zor weqeler yüz bérish éhtimalliqi bolghan asiya -tinch okyan we ottura sherq rayonigha bolupmu, asiya-tinch okyan rayonigha merkezleshtüridu. U, asiya-tinch okyan rayoni shimaliy koriyining tehditi qatarliq köp xil riqabetke duch kéliwatqan rayon ikenlikini bildürgen.

Panétta ötken seyshenbe kündin bashlap hindistanni ikki künlük ziyaret qilip, hindistan bash ministiri manmaxan séng qatarliq yuqiri derijilik emeldarlar bilen söhbet ötküzgen. U bu jeryanda hindistan mudapi'e we analiz institutida nutuq sözligen idi.

Panétta nutqida eskertip, amérika üchün birdin artuq döshmen'ge teng taqabil türüsh iqtidarini yétildürüsh intayin muhim. Amérika koriyide urush partlap qalsa, formuz boghuzidimu ghelibe qilalaydighan herbiy iqtidarni hazirlashqa mohtaj, dégen. Prézidént obama ötken yilning axirliri amérika yer shari istratégiyisining asasliq nuqtisi asiya-tinch okyan rayonigha yötkilidighanliqini jakarlighan. Biraq amérikining yéngi pilani xitayni qatti'iq bi'aram qilghan idi.

Panétta, shimaliy koriye yadro mesilisi heqqide toxtilip, pyongyangning yadro qorallar pilani amérika we jenubiy koriyige tehdit sélip qalmay, xitay üchünmu zor tehdit ikenliki, shunga xitay hökümiti shimaliy koriyining yadro pilanini chekleshke aktip pozi'i'itsiye tutushi kéreklikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.