Xitay we chet'ellerdiki kishilik hoquq yaqilighuchiliri shi jinpingdin lyushawboni qoyup bérishni telep qildi

Bu imzaliq xet , 2008 - yili 8 - dékabir küni lyushawbo we bashqa 300 din artuq ziyaliy xitay hökümitini islahatqa chaqirghan “2008 - Xitabnamisi” élan qilin'ghan we shundaqla bu yil nobél edebiyat mukapatigha érishken xitay yazghuchi mo yen'ge mukapat bérish murasimi shiwitsiyide échilish aldida turghan waqitqa toghrilap turup ewetildi.

Ular shi jinpinggha yollighan imzaliq xétide yalghuz lyu shawbonila emes, belki siyasiy sewebler tüpeylidin türmide tutup turuluwatqan barliq mehbuslarning hörlükke chiqirilishni telep qilip : “Bu siyasiy islahatning tunji qedimi bolushi kérek, xitaydek zor bir dölette siyasiy mehbuslarning bolushi döletning obrazigha intayin ziyanliq” dégen.

Buningdin srt, bügün yene herqaysi ellerdiki 134 neper nobél sahibi lyu shawboning qoyup bérilishi üchün birleshme imza xéti teyyarlidi. Bularning ichide nobél tinchliq mukapati sahibi jenubiy afriliq désmond tutumu bar.