134 Neper nobél mukapati sahibi lyu shawboni qoyup bérishni telep qildi

134 Neper nobél mukapatigha érishken erbab birleshme imza qoyup, türmide yétiwatqan nobél tinchliq mukapatining érishküchisi lyu shawboni qoyup bérishni telep qildi.
Muxbirimiz ümidwar
2012-12-09
Share


Amérika awazining xewer qilishiche, 4 - dékabir küni 134 neper nobél mukapati érishküchisi xitayning yéngidin saylan'ghan dölet re'isi shi jinpinggha birleshme imzaliq xet ewetip, lyu shawboni derhal qoyup bérishni telep qilghan.

7 - Dékabir künige kelgende mezkur imzaliq xetke fransiyide yashawatqan xitay yazghuchisi, 2000 - yili nobél edebiyat mukapatigha érishken gaw shingjyenmu awaz qoshup, lyu shawboni qoyup bérishni telep qilghuchilar qatarigha ötken. Mezkur 134 ademning ichide yene töt neper xitay millitidin kélip chiqqan nobél mukapati érishküchisi'imu bar iken.

134 Adem ochuq xet yézip, lyu shawboni qoyup bérishni telep qiliwatqan bu künlerde 2012 - yilliq nobél edebiyat mukapati érishküchisi moyenning a'ilisi bilen shwétsiyige bérip, mukapatni tapshuriwélish murasimigha qatnishidighanliqi türlük ghulghulilargha seweb bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet