Liwiyining dölet mejlisi bashliqi we bash ministiri qatarliq yuqiri derijilik emeldarliri iz ‏-déreksiz yoqap ketti

Liwiye dölet mejlisi bashliqi, bash ministiri we axbarat ministiri qatarliq bir qisim yuqiri derijilik emeldarlarning peyshenbe kündin bashlap iz ‏-déreksiz yoqap ketkenliki bildürüldi.
Muxbirimiz erkin
2011-04-01
Share

Tunistin kelgen xewerlerde iz-déreksiz yoqap ketken emeldarlardin liwiye mu'awin tashqi ishlar ministiri, axbarat ministiri we néfit ministiri qatarliq emeldarlarning tunisqa yétip kelgenliki, ularning tunistin ayrilip 3-bir döletke ketmekchi boluwatqanliqi ilgiri sürülgen.

Analizchilarning ilgiri sürüshiche, eger bu xewer rast bolsa, bu aldinqi küni liwiye tashqi ishlar ministiri musa kusaning kazafiydin yüz örüp, en'gliyidin panahliq tilesh weqesidin kéyinki kazafiy uchrighan eng éghir zerbe bolup qalidu.

Aqsaray aldinqi küni musa kusaning kazafiydin yüz örüsh weqesining kishige ilham béridighanliqini eskertip, bu weqe kazafiy hökümiti yimirilishke bashlawatqanliqining béshariti dégen idi. Lékin liwiyide kazafiygha sadiq küchlerning namayishchilargha qarshi élip bériwatqan hujumi buning bilen toxtap qalmighan.

Xewerlerde kazafiy qisimlirining jüme köni namayishchilarning qolidiki misrata shehirini dawamliq topqa tutqanliqi ilgiri sürülgen.

Bu arida sh a e t ning kazafiy küchlirige qarshi élip barghan hawa hujumida 7 puqraning ölgenliki, sh a e t ning mezkur weqe üstidin tekshürüsh élip bérishqa bashlighanliqi bildürüldi. Lékin mezkur xewerning rast-yalghanliqi hazirgha qeder terepsiz menbeler teripidin ispatlanmighan.

Qozghilangchilar jüme küni urush toxtitish sherti élan qilip, eger kazafiy qisimliri namayishchilarning qolidiki sheherlerge hujum qilishni toxtatsa, memliket boyiche tinchliq namayishi élip bérishqa ruxset qilinsa, urush toxtitishni qobul qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet