Liwiyidiki isyanchilar paytext tripolining kontrolluqini qoligha aldi

En'gliyining sikay téléwiziyisining neq meydandin xewer qilishiche, isyanchilarning tünügünki hujumi dawamida, kazafiyning oghulliri we muhapizetchi eskerliri teslim bolghan. Isyanchilar, paytextte kazafiyning hakimiyitining yéshil bayriqini yéqitip, ornigha özlirining üch renglik bayriqini qadighan.

Paytext tripolidiki ahaliler tünügün sheher kochilirigha toplinip, isyanchilarning ghelibisini tentene qilghan we kazafiyning resimlirini köydürgen.
Nechche waqittin béri özining hergiz teslim bolmaydighanliqini bildürüp kelgen kazafiy, emdi pozitsiye özgertip, özining isyanchilar bilen söhbet üstilige kélishke teyyar ikenlikini bildürgen.

Emma kazafiyning qeyerde mökünüp turuwatqanliqi hazirche melum emes. Paytextni qolgha chüshürüshte isyanchilar bilen hemkarlashqan nato qisimliri qomandanining axbarat sahesige bildürüshiche, kazafiyning tutulushi peqetla bir waqit mesilisi.

Liwiyide yüz bergen bügünki ghelibe, isyanchilarni bügün'giche topilangchilar dep atawatqan xitay hökümiti arzu qilghan bir netije emes, xitay isyanchilargha yardem qilghan nato qisimlirining herikitini köp qétim tenqid qilghan. Isyanchilar tripolini qolgha chüshürgendin kéyin, xitay hökümitimu pozitsiye özgertip, özlirining liwiye xelqining iradisige hörmet qilidighanliqini bildürdi.