كازافىي لىۋىيىدە قولدىن كەتكەن بىر مۇھىم پورتنى قايتۇرۇۋالدى

بىرلەشمە ئاگېنتلىقىنىڭ بەنغازىدىن بايان قىلىشىچە، كازافىي بۈگۈن لىۋىيىنىڭ شەرق تەرىپىدىكى مۇھىم نېفىت ئېكسپورت بازىسى بولغان بىر پورتنى نامايىشچىلارنىڭ قولىدىن تارتىۋالغانلىقىنى، ئۇنىڭ قوشۇنلىرى ئەمدى چەتئەل كۈچلىرىگە قارشى ھەرىكەتكە ئۆتكەنلىكىنى، لىۋىيىدە ئەڭ ئاخىرقى بىر ئادەم قالغۇچە ئۇرۇش قىلىدىغانلىقىنى جاكارلىدى.

لىۋىيىنىڭ شەرق تەرىپىدىكى مۇھىم نېفىت ئېكسپورت بازىسى بولغان بۇ پورتنىڭ باشلىقى ئەخمەت جېركس بۈگۈن ئۇچۇر ۋاسىتىلىرىگە، كازافىينىڭ نېفىت ئېكسپورت قىلىدىغان بۇ مۇھىم پورتقا ھۇجۇم قىلغان بومباردىمانچى ئايروپىلانلىرىنى كۆرگەنلىكى ھەققىدە ئىسپاتلىق بەردى.

رويترس ئاگېنتلىقىنىڭ تىرىپولىدىن بايان قىلىشىچە، كازافىي بۈگۈن چەتئەل ئۇچۇر ۋاسىتىلىرىگە، لىۋىيە ھەققىدىكى ھەر قانداق قارارنى خەلق ۋەكىلى چىقىرىدۇ؛ ب د ت نىڭ قارارى يۈزدە-يۈز يالغان ئۇچۇرغا ئاساسەن چىقىرىلغان قارار؛ ھازىر لىۋىيىدە ب د ت ئۈچۈن، مەسچىتلەردە پاناھلىنىۋالغان تېررورچىلارنى ۋە لىۋىيە بىخەتەرلىك قىسىملىرىغا زىيانكەشلىك قىلغان قوراللىق باندىتلارنى ئېنىقلاش ئۈچۈن خەلقئارالىق تەكشۈرۈش ئېلىپ بارىدىغان ئىشىك ئوچۇق دېگەن.