ئەنگلىيە فرانسىيە، ۋە ئامېرىكا دائىرىلىرى لىۋىيە مەسىلىسى بويىچە پارىژدا ئۇچراشتى

شەنبە كۈنى، ئەنگلىيە فرانسىيە، ۋە ئامېرىكا دائىرىلىرى لىۋىيە مەسىلىسى بويىچە پارىژدا ئۇچراشتى.
مۇخبىرىمىز جۈمە
2011-03-19
Share

فرانسىيە ئاگېنتلىقىدا خەۋەر قىلىشىچە، ئۇچرىشىشقا فرانسىيە پرېزىدېنتى نىكولاس ساركوزى، ئەنگلىيە باش ۋەزىرى داۋىد كامېرۇن ۋە ئامېرىكا دۆلەت ئىشلار مىنىستىرى ھىلارىي كلىنتون خانىملار قاتناشقان.

ئۇلار، لىۋىيىگە قارىتا قوللىنىدىغان ھەربىي ھەرىكەتتە ئۆز دۆلەتلىرى ئۈستىگە ئالىدىغان ۋەزىپىلەر توغرىسىدا مۇزاكىرە ئېلىپ بارغان.

خەۋەرگە قارىغاندا، كازافي قىسىملىرىغا ھاۋادىن زەربە بېرىش ھەرىكىتىنى فرانسىيە-ئەنگلىيە قىسىملىرى ئۈستىگە ئالىدىكەن. شىمالىي ئاتلانتىك ئەھدە تەشكىلاتى بولسا كازافي ھەربىي ئايروپىلانلىرىنىڭ ئۇچۇشىنى چەكلەش ۋەزىپىسىنى ئۈستىگە ئالىدىكەن.

ب ب س دا نەقىل قىلىشىچە، ئەنگلىيە باش ۋەزىرى داۋىد كامېرۇن كازافينىڭ خەلقئارا جەمئىيەتكە يالغان سۆزلەپ، ئۆز خەلقنى قىرغىن قىلىشنى توختاتمىغانلىقى، شۇڭلاشقا لىۋىيە ھەربىي ھەرىكەت قوللىنىشنىڭ زۆرۈرلۈكىنى بىلدۈردى.

ئۇ مۇنداق دېدى: بۇنىڭغا چوقۇم خاتىمە بېرىلىشى كېرەك. بىز بۇنى توختىتىشىمىز كېرەك. بىز كازافينى ئۆز قىلمىشلىرىغا بەدەل تۆلىتىمىز.

پەيشەنبە كۈنى بىرلەشكەن دۆلەتلەر تەشكىلاتى خەۋپسىزلىك كېڭىشى قارار چىقىرىپ، لىۋىيە خەلقنى كازافينىڭ قىرغىنچىلىقىدىن ساقلاش ۋە كازافيغا ھەربىي ھەرىكەت قوللىنىش قارارى ئالغان ئىدى.

بىر لەشكەن دۆلەتلەر تەشكىلاتى باش كاتىپى بان كىمۇن مەزكۇر قارارنى: تارىخىي ئەھمىيەتكە ئىگە، دەپ كۆرسەتتى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت