Kishilik hoquq organliri liwiyide esirlerge insaniy mu'amile qilish heqqide chaqiriq élan qildi

Peyshenbe küni kishilik hoquqni közitish teshkilati we xelq'ara kechürüm teshkilatigha oxshash kishilik hoquq organliri liwiyidiki ötkünchi hökümetni xalighanche tutqun qilish we tutqunlargha ten jazasi bérish heriketlirining aldini élishqa, kazafiyning qolgha chüshken qollighuchilirigha we kazafiyning yurtdashlirigha insaniy mu'amile qilish heqqide agahlandurdi.
Muxbirimiz irade
2011-10-13
Share

B b s ning xewer qilishiche, merkizi londondiki bir mexpiy tekshürüsh orgini teyyarlighan doklatida, yéqindin buyan liwiyide qolgha élin'ghan minglarche kishining ten jazasi we qopal mu'amilige uchrighanliqigha a'it ispatlargha érishkenlikini ashkarilighan.

300 Dek kishi bilen élip bérilghan söhbet netijiside hazirlan'ghan doklatta, esirge élin'ghan kazafiyning himayichilirining iskenjige élin'ghanliqi, bezi tutup turush orunlirida qiynash saymanlirining bayqalghanliqi melum qilin'ghan.

Doklatta éytilishiche, ikki gundipay esirlerni iqrar qildurush üchün qiynash wasitisi qollan'ghanliqini qobul qilghan.

Xelq'ara kechürüm teshkilati eskertip : liwiyide hazir weziyetning intayin qalaymiqanliqini chüshinishke bolidu, emma bu xil ehwalgha sel qaralsa, bu, yéngi liwiyining kazafiy dewridiki liwiyidin anche perqi bolmaydighanliqidek xata bir chüshenchini peyda qilip qoyidu, shunga ötkünchi hökümet bu nuqtigha alahide diqqet qilishi, ötmüshke emes, kelgüsige qarishi kérek, dégen pikirni ilgiri sürgen.

Liwiye ötkünchi hökümitimu bügün bu chaqiriqlargha jawab qayturup, bu ehwalni derhal sürüshte qilidighanliqini wede qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet