Ливийә өктичи күчлири пайтәхткә йеқинлашти
Мухбиримиз үмидвар
2011.02.27
2011.02.27
Б б с агентлиқиниң хәвәр қилишичә, гәрчә һөкүмәт армийиси бу шәһәрни қоршавға алған болсиму, әмма өктичиләр йәнила шәһәр мәркизи вә униң әтрапини контрол қилған. Һөкүмәт армийиси уларға бир қанчә қетим һуҗум қозғиған болсиму, бирақ шәһәр мәркизигә кирәлмигән. Шәһәр ичини көплигән өктичиләр қаплиған.
Түнүгүн кечә казафийниң күчлири шәһәргә һуҗум қилған болуп, һәтта еғир қоралларниму ишләткән. Кәм дегәндә 50 нәччә шәһәр пуқраси һаятидин айрилған.
Бирләшкән дөләтләр тәшкилатиниң мәлум қилишичә, һазир 100 миңдин артуқ ливийилик әтраптики мисир вә тунис қатарлиқ дөләтләргә мусапир болуп кәткән болуп, мусапирларниң сани барғансери ашмақта икән.