Тропли қамақханилиридики исянчилар қоюп берилди

Ливийидә казафий һөкүмранлиқиға қарши намайиш вә исянлар башлиғандин буян, һөкүмәт тәрәп исянға қатнашқан яки қатнашти дәп қариған нәччә йүзлигән кишини тутқун қилған иди.
Мухбиримиз шөһрәт һошур
2011.06.24

Ливийә һөкүмити бүгүн қамақханилардики бу тутқунларни қоюп бәргән. Хәлқара қизил кирис җәмийити бүгүн, қоюп берилгәнләрдин тунҗи түркүмдә 300 кишини исянчиларниң мәркизи биңғазиға апарған.

Бирқанчә айлиқ қамақтин кейин аилиси билән җәм болған бу исянчилар, биңғазиға келиш сәпиридә ғәлибә тән-тәниси қилған.

Америка авазиниң бу һәқтики хәвиридә баян қилинишичә, ливийә һөкүмити исянчиларни немә үчүн қоювәткәнлики һәққидә һечқандақ мәлумат бәрмигән.

Көзәткүчиләр, казафийниң өз һакимийитини қоғдап қилиш үчүн, бир тәрәптин исянчилар билән җәң қилса, йәнә бир тәрәптин исянчиларниң қәлбини еритишқа тиришиватқанлиқини тәхмин қилишмақта. Йәнә бәзи көзәткүчиләр болса, көп сандики исянчини қамақханида узун тутуп турушниң ливийә вәзийитини техиму яманлаштуруветишидин әндишә қиливатқанлиқини билдүрүшмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.