Хитай баянатчи б д т ниң ливийә қарарини қоллиғанлиқи тоғрисида қийин соалға дуч кәлди
2011.03.01
Бүгүн хитайниң һәптилик ахбарат елан қилиш йиғинида, хитай баянатчи мухбирларниң бу һәқтики соалиға дуч кәлгән. Мухбир баянатчидин “җуңгониң б д т ниң ливийә һәққидики җазалаш қарарини қоллиши, җуңго изчил тәкитләп келиватқан дөләтләрниң ички ишиға арилашмаслиқ принсипиға хилап әмәсму?” дәп сориған.
Оңайсиз әһвалда қалған баянатчи, соалға нәқ җаваб бериштин өзини қачуруп, җуңгониң ливийиниң муқимлиқиниң тез әслигә келишини халайдиғанлиқини вә ливийидики мәвҗут сиясий кризисниң диалог арқилиқ һәл болушини үмид қилидиғанлиқини билдүргән. Ливийидә инқилаб башланғандин буян хитайниң ливийә вәзийити һәққидики мәйдани пассиплиқини давамлаштурмақта.
Хитай пәқәт дуня җамаәт пикриниң бесими сәвәбидинла б д т ниң шәнбә күнидики мәзкур қарарини қоллашқа мәҗбур болуп қалған иди. Америка вә явропа дөләтлири болса, ливийидики исянчи хәлқни ашкара қоллимақта.
Бүгүн франсийиниң икки теббий айропилани ливийидики өктичи күчләргә ярдәм буюмлирини йәткүзүп бәргән. Америкиниң бир түркүм һәрбий парахот вә урушчи айропиланлириму нишанини ливийигә тоғрилиған.
Көп көрүлгән хәвәрләр
RFA
- Фирансийә агентлиқи учурини алалмиған абдуқаһар әбәйдулланиң 15 йиллиқ қамақта икәнлики дәлилләнди
- Б д т ниң ню-йорктики баш шитаби алдида хитай һөкүмитигә қарши намайиш елип берилди
- Шиветсарийә пайтәхти бернда уйғур ана тил мәктипи ечилди
- Келәчәк партийәси муавин рәиси үмит ярдимчи: “пирезидент әрдоғанниң б д т дә уйғурларни тилға елиши яхши иш, лекин йетәрлик әмәс”
- Долқун әйса билән ризванай ханим хитайниң уйғур районидики ирқий қирғинчилиқини ақлиған мақалиға қарши рәддийә обзори елан қилди