Qozghilangchilar liwiye paytexti tiripolidiki kontrolluqini kéngeytmekte we kazafiyni izdep tutush herikitini kücheytmekte

Qozghilangchilar liwiye paytexti tripolini igiligendin kéyin, bara-bara tiripolidiki kontrolluqini kéngeytmekte we kazafiyni izdep tutush herikitini kücheytmekte.
Muxbirimiz jüme
2011.08.27

Shenbe künidiki xewerlerge qarighanda, qozghilangchilar bügün tripolining mutleq köp qismini kontrol astigha alghan we sheherning chet yaqiliridiki kazafiygha sadiq qisimlar bilen soqushqan.

Nöwette kazafiy armiyisi kazafiy tughulghan sirte rayonigha toplan'ghan we sirtege kiridighan tashyolni igiligen.

Liwiye qozghilangchilirining ötkünchi hökümiti milliy kéngesh bayanatchisi mehmud shammam nöwette ularning sirtidiki yurt aqsaqalliri we jama'et erbabliri bilen sheherni tinch yol bilen tapshurush üstide söhbet élip bériwatqanliqini bildürgen.

U mundaq dégen: biz bu sheherni herbiy küch bilen élishqa qurbimiz yetsimu, tinch yol bilen élishni xalaymiz. Qozghilangchilar paytextke bésip kirgendin kéyin, kazafiy ghayib bolup ketken bolup, hazirghiche iz -dériki bolmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.