Ливийидики қозғилаңчилар дүшәнбә күни казафийниң юртиға йүрүш қилди

Лекин, қозғилаңчилар сирт шәһирини қоғдаватқан казафий күчлириниң шиддәтлик қаршилиқиға учрап, бу шәһәрни елишқа мувәппәқ болалмиди. Б б с ниң хәвәр қилишичә, қозғилаңчилар сирт шәһиригә йетип бериштин бурун казафий күчлириниң шиддәтлик қаршилиқиға учрап тохтап қалған. Қозғилаңчиларниң казафий қисимлириниң топқа тутуши сәвәбидин бин җавидқа чекинишкә мәҗбур болғанлиқи илгири сүрүлмәктә.

Буниңдин бурун қозғилаңчилар иттипақдаш күчләрниң һава һуҗумидин пайдилинип, ливийиниң оттура деңиз бойидики раст лануф, брега, уқайла вә бин җавад қатарлиқ муһим истратегийилик нуқта вә шәһәрләрни ишғал қилған иди. Лекин, йәкшәнбә күндин башлап ливийидики һава һәрикитиниң қоманданлиқ һоқуқини өткүзүвалған ш а о ә т һава һуҗуминиң қозғилаңчиларни қоғдаватқанлиқини рәт қилған.

Ш а о ә т ниң ливийидики һава һәрикитиниң қомандани генерал чарлис бочард, һава һуҗуминиң қозғилаңчиларға пурсәт яритип бериватқанлиқини рәт қилип, “бизниң вәзипимиз һуҗум тәһдитигә учраватқан пуқралар вә аһалиләр нуқтилирини қоғдаш” дәп тәкитлигән. Шу күни йәнә, франсийә билән әнглийә казафий тәрәпдарлирини вақитни өткүзмәй казафийдин ваз кечишкә чақирди.

Франсийә билән әнглийә дүшәнбә күни қошма баянат елан қилип, “биз казафийниң ливийини балайи-апәткә елип барғанлиқини һес қилған казафий тәрәпдарлирини, позитсийисини өзгәртип, өткүнчи басқучқа қатнишишқа чақиримиз” дегән.

Хәвәрләргә қариғанда, ливийиниң ғәрбидики қозғилаңчилар игиләп туруватқан муһим истратегийилик нуқтилардин мисрата шәһиридә уруш давамлишиватқан болуп, мәзкур шәһәр казафий күчлири тәрипидин топқа тутулмақта икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар