Liwiyidiki qozghilangchilarning bayanatchisi misrata azad qilindi dep jakarlidi

Roytrs agéntliqining bayan qilishiche, misrata shehiri, kazafiy qisimliri ikki aydin buyan qayta-qayta hujum qozghawatqan liwiyining gherb tereptiki muhim chong sheherlerning biri idi.
Muxbirimiz weli
2011.04.23

Liwiye qozghilangchilirining bayanatchisi gémal sélim bügün, misrata shehiri kazafiy qisimlirining qolidin azad qilindi, kazafiyning bir qisim eskerliri öldi, tirik qalghanliri qachti dep jakarlidi.

Nato qisimlirining hawa hujumdin melum bolushiche, kazafiy qisimliri buningdin bir nechche kün burunla, misratada urush qilalmaydighan halgha chüshüp qalghan.

Emma uning ornini yerlik qebile qisimliri igilep, qozghilangchilar bilen dawamliq qarshilishishi mumkin idi.

Qozghilangchilarning bayanatchisi gémal sélimning éytishiche, esirge chüshken bir kazafiy eskiri, kazafiy qisimliri misratadin chékinip kétishtin burun , bu sheherge yerlik qebililerning qoralliq küchlirini orunlashturup qoydi, kazafiy sirtta turup bu sheherge hujum qilishni pilanlidi dégen.

Xewerde éytilishiche, liwiyidiki qozghilangchilar hazir misrata shehirini tazilawatidu, kömülgen mina az emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.