Qozghilangchilar qoshuni kazafiy igiliwalghan jaylarni qayturuwalmaqta

Ittipaqdashlar armiyisining bir heptidin buyanqi hawa hujumlirining kazafiy qoshunlirini éghir chiqimgha uchritishigha egiship, qozghilangchilar qoshuni ghelibeséri jeng qilip, shenbe küni ejdabiye shehirini tartiwalghandin kéyin yene dawamliq yürüsh qilip, paytext tripolidin yiraq bolmighan brége shehirini qayturuwaldi
Muxbirimiz ümidwar
2011-03-27
Share

Birleshme agéntliqining uchurlirigha tayan'ghanda, qozghilangchilar yekshenbe küni shimal tereptiki bénjawada shehirini ishghal qilip, özlirining dawamliq türde liwiyining ottura yer déngizi qirghiqidiki sheherlerni igileydighanliqini jakarlighan. Buningdin ilgiri yene muhim néfit shehiri ras-lanufni igiligen. Hazirghiche töt sheher qayturuwélin'ghan.

B b s agéntliqining yézishiche, qozghilangchilar rehberliri belki düshenbe künidin bashlap, özliri ayrim halda chet'elge néfit éksport qilishni bashlaydighanliqini élan qilghan.

Buninggha qatar we bashqa döletler yardem bermekchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet