Русийә ғәрбниң сүрийини техиму илгирилигән һалда җазалаш пиланиға қарши чиқти

Өткән һәптә америка вә явропа бирлики өз хәлқиниң демократик тәләплирини изчил һалда қанлиқ бастуруп келиватқан сүрийә һөкүмитини техиму илгирилигән һалда җазалаш һәққидә қарар лайиһиси түзгән иди.
Мухбиримиз шөһрәт һошур
2011.09.12

Русийә даирилириму өткән һәптидики бир баянатида, сүрийә президенти бәшәр әсадқа қаттиқрақ тонда сигнал беришкә қошулидиғанлиқи һәққидә ишарәт бәргән иди. Әмма президент медвидев бүгүнки йәни дүшәнбә күнидики сөзидә сүрийигә артуқчә җаза қоллинишқа болмайдиғанлиқини билдүрди.

Буниң билән мәзкур лайиһиниң б д т бихәтәрлик кеңишидә тәстиқлиниш мумкинчилики вақтинчә тосалғуға учриди.

Б д т инсан һәқлири комиссари навий пилай сүрийидә исян башланғандин һазирға қәдәр 1600 пуқраниң өлгәнликини, буниңға б д т бихәтәрлик кеңишиниң тәдбир қоллиниши керәкликини билдүргән. Сүрийә һөкүмити болса юқириқи санни рәт қилип, вәқәдә өлгәнләр саниниң 1400 икәнликини, өлгүчиләрниң йерими сақчи вә һөкүмәт тәрәпдарлири икәнликини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.