“лос анҗилис вақит гезити”: америкиниң гуәнтанамодики уйғурларни орунлаштурушта әхлақий мәҗбурийити бар

“лос анҗилис вақит гезити” 21-феврал баш мақалә елан қилип, америка қошма штатлириниң гуәнтанамо түрмисидә тутуп турулуватқан уйғурларға бихәтәр җай тәминләштә әхлақий мәҗбурийити барлиқини илгири сүрди.
Мухбиримиз җүмә
2011.02.21

Мақалидә, гуәнтанамо түрмисидә йәнә бәш нәпәр уйғур барлиқи, әгәр улар хитайға қайтурулса һаятиға хәвп йетидиғанлиқи һәққидә чүшәнчә берилгән.

Мақалидә йәнә, бу уйғурларниң хитайға қарши күрәш қилиш үчүн афғанистанға чиқип, америка афғанистанға бесип киргәндин кейин пакистанлиқлар тәрипидин америка даирилиригә сетип берилгәнлики, әмма бу уйғурларниң “дүшмән җәңчиси әмәс” дәп ақланғанлиқини тәпсилий көрситилгән.

Гуәнтанамо түрмисигә җәмий 22 нәпәр уйғур қамалған болуп, буларниң 17 нәпири илгири-ахири болуп, албанийә қатарлиқ 4 дөләткә йәрләштүрүлгән.
Буларниң ахирқи бәш нәпири палав җумһурийитигә беришкә қошулмиғанлиқтин, һелиһәм гуәнтанамо түрмисидә тутуп турулмақта иди.

Мақалә мундақ ахирлаштурулған “биз америка қанунни бойичә бу уйғурларни америкиға қоюп беришкә болидиғанлиқини билимиз. Әгәр сот қошулмиса, бу әлвәттә һәр икки тәрәпниң пикрини аңлиғандин кейин шундақ болуши керәк. Бу уйғурлар һеч болмиди дегәндә шунчилик нәрсигә әрзийду.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.