“Los anjilis waqit géziti”: amérikining gu'entanamodiki Uyghurlarni orunlashturushta exlaqiy mejburiyiti bar

“Los anjilis waqit géziti” 21-féwral bash maqale élan qilip, amérika qoshma shtatlirining gu'entanamo türmiside tutup turuluwatqan Uyghurlargha bixeter jay teminleshte exlaqiy mejburiyiti barliqini ilgiri sürdi.
Muxbirimiz jüme
2011.02.21

Maqalide, gu'entanamo türmiside yene besh neper Uyghur barliqi, eger ular xitaygha qayturulsa hayatigha xewp yétidighanliqi heqqide chüshenche bérilgen.

Maqalide yene, bu Uyghurlarning xitaygha qarshi küresh qilish üchün afghanistan'gha chiqip, amérika afghanistan'gha bésip kirgendin kéyin pakistanliqlar teripidin amérika da'irilirige sétip bérilgenliki, emma bu Uyghurlarning “Düshmen jengchisi emes” dep aqlan'ghanliqini tepsiliy körsitilgen.

Gu'entanamo türmisige jem'iy 22 neper Uyghur qamalghan bolup, bularning 17 nepiri ilgiri-axiri bolup, albaniye qatarliq 4 döletke yerleshtürülgen.
Bularning axirqi besh nepiri palaw jumhuriyitige bérishke qoshulmighanliqtin, hélihem gu'entanamo türmiside tutup turulmaqta idi.

Maqale mundaq axirlashturulghan “Biz amérika qanunni boyiche bu Uyghurlarni amérikigha qoyup bérishke bolidighanliqini bilimiz. Eger sot qoshulmisa, bu elwette her ikki terepning pikrini anglighandin kéyin shundaq bolushi kérek. Bu Uyghurlar héch bolmidi dégende shunchilik nersige erziydu.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.