B d t lyu shawbo we uning ayalini qolgha élish hem tutup turushning xelq'ara qanun'gha xilapliq ikenlikini élan qildi
2011.08.01
B d t xizmet komitéti lyu shawboning 2009-yili “Aghdurmichiliq” jinayiti bilen eyiblinip 11 yilliq qamaq jazasigha höküm qilinishtin burun sirt bilen alaqisi cheklinip, adwokat teklip qilishi ret qilin'ghanliqini bildürgen.
B d t kishilik hoquq mutexessisliridin terkib tapqan mezkur xizmet komitéti yene xitay da'irilirini “ Lyu shawboni derhal qoyup bérish, uni muwapiq orunlashturush qatarliq weziyetni ongshaydighan zörür tedbirlerni qollinish ” qa ündigen.
Lyu shawbo 2010-yilliq nobél tinchliq mukapatigha érishkendin kéyinmu, xitay hökümiti uni qoyup bérishni ret qilghan. Lyu shawbo 2008-yili asasiy qanun nizamnamisige imza qoyush herikiti qozghap, xitayni siyasiy islahat élip bérish, köp partiyilik démokratiye tüzümini yolgha qoyushni telep qilghan idi. Biraq xitay hökümiti 2009-yili uni qolgha élip, “Aghdurmichiliq ” qilish bilen eyibligen.
B d t xizmet komitéti doklatta, xitay hökümiti lyu shawboning söz qilish erkinlikige mudaxile qilghan bolsimu, biraq néme üchün mudaxile qilghanliqining sewebini chüshendürmigenlikini eskertken.