Лю шавбониң иниси лю шавшуән хитай һөкүмитини акисини қоюп беришкә чақирди

Бу йиллиқ нобел тинчлиқ мукапати саһиби лю шавбониң иниси лю шавшуән хитай һөкүмитини акисини қоюп беришкә чақирди.
Мухбиримиз җүмә
2010.11.15

Франсийә агентлиқиниң хәвәр қилишичә, бу лю шавшуәнниң тунҗи қетим ғәрб мәтбуатлириниң зияритини қобул қилиши икән.

Хәвәрдә нәқил қилишичә, лю шавшуән мундақ дегән: "мән мәркизий һөкүмәтниң акамни қоюп беришини вә униң нобел тинчлиқ мукапатини қобул қилишиға йол қоюшини үмид қилимән. Әмма, улар бундақ қилмайду."

Лю шавшуән йәнә, хитай һөкүмитиниң уруқ - туғқанлириниң нобел мукапатини тапшуруп елишиғиму рухсәт қилмайдиғанлиқини билдүргән.

Лю шавбо хитайни қанун өзгәртишкә чақирип елан қилған "2008 хитабнамиси" ниң апторлиридин бири. У, 2009 - йили декабирда " дөләтни ағдуруш җинайити" билән 11 йиллиқ қамақ җазасиға һөкүм қилинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.