Nobil tinchliq mukapati alghan waslaw xawél we dismund tutular xitayni lyu shawboni qoyup bérishke chaqirdi

Nobil tinchliq mukapatigha érishken sabiq chéx prézidénti waslaw xawél bilen jenubiy afriqiliq bishop désmond tutu "washin'gton pochtisi géziti"ning jüme künki sanida maqale élan qilip, xitay hökümitidin bu yilliq nobil tinchliq mukapatigha érishken lyu shawboni qoyup bérishni telep qildi.
Muxbirimiz erkin
2010-10-22
Share

Xawél bilen tutu lyu shawboni bu yilliq nobil tinchliq mukapati namzatliqigha körsetken shexsler idi. Tutu bilen xawél "washin'gton pochtisi géziti"diki maqaliside özlirining lyu shawboni namzatliqqa körsitishidiki sewebni chüshendürüp, "uning öz xelqighe telep qilghan asasiy kishilik hoquq chaqiriqi uniwérsalliqqa ige bolghanliqi üchündur" dep tekitligen.

Maqalide lyu shawboni qoyup bérish xitayning qudret tapqanliqidin dérek béridighanliqini eskertip, lékin xitay da'irilirining lyu shawbo nobil tinchliq mukapatigha érishkendin kéyin, uning ayali lyu shyani nezerbent astigha alghanliqini tenqid qilghan.

Lyu shawbo 2008‏ - yili siyasi islahat élip bérishni mezmun qilghan nizamname herikiti qozghap, xitayda fédératsiyilik tüzümge köchüshni telep qilghandin kéyin, béyjing hökümiti teripidin qolgha élinip, ötken yili 11 ‏yilliq qamaq jazasigha höküm qilin'ghan idi. Da'iriler uni "hakimiyetni aghdurushqa urunush" jinayiti bilen eyibligen.

Tutu bilen xawél "washin'gton pochtisi géziti"diki maqaliside yene, xitayni "yiraqni körer dölet" ikenlikini namayen qilishqa chaqirip, lékin"xitay hökümiti xuddi özining bash ministiri tosuwalghili bolmaydighanliqini éytqan erkinlik we démokratiye küchlirige qarshi meghlubiyetlik bu küreshni dawamliq élip baridu yaki adaletni yaqlap, lyu shawboni qoyup béridu we uning ayalini a'ile nezerbentidin azad qilidu" dégen.

Aldinqi küni amérika edliye ministiri erik xoldér béyjingni ziyaret qilghanda, lyu shawboning mesilisini otturigha qoyghan idi. U xitay rehberliri bilen élip barghan körüshüshtin kéyin axbarat sahesige bergen melumatida, amérika bilen xitayning lyu shawbo mesiliside "tüp négizlik ixtilapi" barliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet