Amérika jüme küni haway arilida rusiye we hindistanmu qatnashturulghan dunyadiki eng chong déngiz armiye manéwirigha sahibxaniliq qilishqa bashlidi
2012.06.30
“Tinch okyan qiri” namliq bu manéwirgha yuqiriqi döletlerdin bashqa yaponiye, awstraliye, fransiye, chili, tunggu, tayland, hindonéziye, malayshiya, en'giliye, méksika, koriye, kanada, sin'gapor, we amérika qatarliq döletlerdin kelgen 42 urush paraxoti 200 ayropilan qatnashturulghan. Xitay teklip qilmighan.
Bu manéwir 1971 - yilidin bashlap élip bériliwatqan bolup bu yilqisi 23 - nöwetlik manéwir bolup hésablinidu.
Bu nöwetlik manéwirgha rusiye, hindistan, filippin, yéngi zéllandiye, norwégiye we tunggu qatarliqlar tunji qétim teklip qilin'ghan.
Amérika tinch okyan déngiz armiye flotining komandiri sélil hanéy manéwir heqqide toxtilip: bu manéwir idiyisi oxshash döletlerni weqe chiqqanda birlikte heriket qilish pursiti bilen teminleydu, dégen.
Manéwir 8 - ayning 3 - küni axirlishidu.