Дуня уйғур қурултийи миң җйәнҗуниң үрүмчидә қилған сөзини тәнқид қилди

Дуня уйғур қурултийи хитай җ х министири миң җйәнҗуниң алдинқи күни үрүмчидә қилған сөзини тәнқидләп, әгәр бейҗиң һөкүмити террорлуққа қарши турушни баһанә қилип уйғурларға давамлиқ зәрбә бәрсә, буниң уйғур ели вәзийитидә илгириләп қалаймиқанчилиқ пәйда қилидиғанлиқини агаһландурди.
Мухбиримиз әркин
2011.08.05

Миң җйәнҗу алдинқи күни хитайниң үрүмчидә чақирилған “террорлуққа қарши туруш” мәмликәтлик хизмәт йиғинида сөз қилип, аталмиш “бөлгүнчилик” вә “зораванлиқ” билән шуғулланған һәрқандақ кишини қаттиқ җазалайдиғанлиқини, “рәһим-шәпқәт” вә “юмшақ қоллуқ” қилмайдиғанлиқини тәкитлигән иди.

У йәнә, йәрлик даириләрни “һәрхил мудапиә тәдбирлирини күчәйтишкә чақирип, аталмиш зораван террорлуқниң мәнбәсини йилтизидин йоқитиш” ни оттуриға қойған.

Дуня уйғур қурултийи баянатчиси дилшат ришит, хитай даирилириниң террорлуққа қарши турушни баһанә қилип, уйғурларни бастурушни күчәйтиши, уйғурларни техиму чоңқур үмидсизликкә мәҗбурлап, шәрқий түркистан вәзийитидә илгириләп қалаймиқанчилиқ пәйда қилидиғанлиқини билдүрди.

У, бейҗиң һөкүмити шәрқий түркистан вәзийитиниң муқимлиқини ойлиса, уйғур хәлқиниң тәләплиригә шәртсиз һөрмәт қилиши керәк, дәп көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.