Xitayda 13 chong tarmaq birlikte heriket qozghap "Mesile bar xerite" lerni köydürüshke teyyarlanmaqta

Xitayda bu yil 13 chong tarmaq birlikte chong heriket qozghap "Mesile bar xerite" lerni köydüridiken.
Muxbirimiz weli
2011-03-21
Share

Xitayning "Shinjang géziti" bügün ashkarilishiche, xitayning dölet ölchesh-xeritige élish idarisi, merkizi teshwiqat ministirliqi, dölet bixeterlik ministirliqi, dölet jama'et xewpsizlik ministirliqi, ma'arip ministirliqi, soda ministirliqi, dölet kabiniti uchur ishxanisi, dölet mexpiyet idarisi, tamozhna qatarliq 13 chong tarmaq hazir, belgilimige xilap halda neshr qilin'ghan xeritilerni bir terep qilish üchün birliship chong heriket qozghashqa teyyarlanmaqta.

Xitayning dölet ölchesh-xeritige élish idarisining bayan qilishiche, hazir jaylarda tekshürüp-békitish ölchimige xilap halda neshr qilin'ghan, eng muhimi dölet étirap qilidighan yer namlirini qollanmighan xeritiler köp iken, bundaq qanunsiz neshriyat buyumliri emdi choqum kitabxanilardin tazilinip, köydürüwétilishi kérek iken.

Xewerde éytilishiche, bu chong xizmetni orunlash üchün bir rehberlik guruppisi qurulidiken, rehberlik guruppa tüzüp chiqqan qanun-belgilimiler her qaysi ölke, aptonom rayonlarning eynen ijra qilishigha chüshürüp bérilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet