مېكسىكا دائىرىلىرى خىتايدىن كەلگەن 120 توننا زەھەرلىك ماددىنى قولغا چۈشۈردى

مېكسىكا دائىرىلىرى بۈگۈن خىتايدىن كەلگەن 120 توننا زەھەرلىك ماددىنى قولغا چۈشۈرگەنلىكىنى ئاشكارىلىدى. مونومېتىيلامىن دەپ ئاتىلىدىغان بۇ زەھەرلىك ماددا شاڭخەيدىن مېكسىكىنىڭ پورتو كۋېتزال پورتىغا ئەۋەتىلگەن.
مۇخبىرىمىز ئىرادە
2011.12.29

فرانسىيە ئاگېنتلىقىنىڭ يېزىشىچە، مېكسىكا دائىرىلىرى بۇ زەھەرلىك ماددا قولغا چۈشكەن ئېنىق كۈننى ئاشكارىلىمىغان. ئەمما بۇ خىل خىتايدىن قانۇنسىز توشۇلغان زەھەرلىك ماددىنىڭ بىر ئاي ئىچىدە ئىككىنچى قېتىم قولغا چۈشۈشى ئىكەن. مېكسىكا ھەربىي دائىرىلىرى تېخى دېكابىرنىڭ بېشىدا خىتايدىن كەلگەن 100 توننا مونومېتىيلامىننىڭ قولغا چۈشكەنلىكىنى ئاشكارىلىغان ئىدى.

مونومېتىيلامىن نېرۋىنى غىدىقلاپ، ئادەمنى كۈچلۈك خۇمار قىلىدىغان مېتامفېتامىن ياسايدىغان خام ماددا بولۇپ، ئادەتتە مېتامفېتامىن سۈنئىي بىرىكمىلىك زەھەرلىك چېكىملىك ياساشتا ئىشلىتىلىدىكەن.

مونومېتىيلامىن خەلقئارالىق زەھەرگە قارشى تۇرۇش تارماقلىرى ئەڭ قاتتىق كونترول قىلىدىغان ماددا بولۇپ، بۇنى يۆتكەش قانۇنسىزلىق ھېسابلىنىدىكەن. ئەمما مېكسىكا دائىرىلىرى بىر يىل ئىچىدە جەمئىي 1200 توننىدىن ئارتۇق مونومېتېيلامىن قولغا چۈشۈرگەنلىكىنى ئېيتقان.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.