Уйғур елидә милләтләр иттипақлиқи яш - өсмүрләр арисида йеңи усул билән елип берилмақта

Мәлум болушичә, өткән йилидики 5 - июл вәқәсидин кейин уйғур аптоном районидики даириләр "милләтләр иттипақлиқи" вә "үч айрилаламаслиқ" принсиплирини тәшвиқ қилишни күчәйткән.
Мухбиримиз үмидвар
2010.07.26

Шинхуа агентлиқиниң хәвиридин ашкарилинишичә, уйғур аптоном районлуқ иттипақ комитети яш - өсмүрләр арисида милләтләр иттипақлиқи паалийити елип беришниң йеңи тактикилирини түзүп чиқип, бир милйон яш - өсмүрниң милләтләр иттипақлиқи бойичә "қолни қолға тутушуш" һәрикити башлиғандин сирт йәнә " төт чүшәнчә бирлики" идийисини турғузуш истратегийиси бәлгилигән.

Мәзкур "төт чүшәнчә бирлики " дегини," һәр милләт яш - өсмүрлири арисидики чүшәнчә бирлики, хәнзу аилә башлиқлириниң аз санлиқ милләт яш - өсмүрлиригә чүшәнчә бирлики, һәр милләт яш өсмүрлириниң ата - анилири арисидики чүшәнчә бирлики қатарлиқлардин ибарәт.

Иттипақ комитетиниң бу усулни бәлгиләшниң асаслирини чүшәндүрүшичә, бу йеңи усуллар билән һәр милләт яш - өсмүрлириниң өзлириниң җуңхуа хәлқ җумһурийитиниң пуқралири икәнлики һәққидики тонушини өстүргили, һәр милләт яш өсмүрлири арисидики мәдәнийәт пәрқлирини азайтиш арқилиқ улар арисидики чүшәнмәсликни, түгәткили болидикән.

Хәвәрдә йезилишичә, бу йил 3 - айдин башлап, җәнубий уйғур дияридин 5000 нәпәр хитай әмәс милләт өсмүрлири билән үрүмчи вә санҗидики бәш миң нәпәр хитай өсмүрлири арисида қолни қолға тутушуш паалийити өткүзүлүп, өзара һәр айда икки парчә хәт йезишиш, һәптидә бир қетим телефонда сөзлишиш бәлгиләнгән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.