ئۇيغۇر رايونىدا سۇنئىي مىللەتلەر ئىتتىپاقى تەشۋىقاتى ئېلىپ بېرىلماقتا

تەڭرىتاغ تورىدىن مەلۇم بولۇشىچە، ئۇيغۇر رايونلۇق ھۆكۈمەتكە قاراشلىق بولغان تەڭرىتاغ كىنو ستۇدىيىسى يېقىندا "ئۈرۈمچى" ناملىق كىنو فىلىمىنى سۈرەتكە ئېلىشقا باشلىغان.
مۇخبىرىمىز ﺋﯩﺮﺍﺩﻩ
2010-10-21
Share

ئىگىلىنىشىچە، فىلىمنىڭ مەزمۇنى خىتاي ھۆكۈمىتى رايوندا تەشۋىق قىلىپ كېلىۋاتقان مىللەتلەر ئىتتىپاقلىقى سىياسىتى بىلەن مۇناسىۋەتلىك بولۇپ، فىلىمدە "شىنجاڭ" قۇرۇلغان دەسلەپكى مەزگىللەردە ئۇيغۇر، خەنزۇ، قازاق، موڭغۇل قاتارلىق مىللەتلەرنىڭ بىر چوڭ قورودا ئىناق - ئىجىل، ئۆز - ئارا ياردەم بېرىشىپ بىرلىكتە ياشىغانلىقىدەك مەنزىرە بايان قىلىنغان. تەڭرىتاغ تورى بۇ فىلىمنىڭ "بىر مىللەتلەر ئىتتىپاقلىقى قەسىدىسى" ئىكەنلىكىنى ئىلگىرى سۈرگەن.

5 - ئىيۇل ۋەقەسىدىن كېيىن خىتاي دائىرىلىرى ئۇيغۇر رايونىدا مىللەتلەر ئىتتىپاقلىقى تەربىيىسىنى ھەسسىلەپ ئاشۇرغان بولسىمۇ، ئەمما رادىئومىزغا كەلگەن ئىنكاسلار بۇ خىل تەشۋىقاتنىڭ ئەكسىچە، ئۇيغۇرلار بىلەن خىتايلار ئارىسىدىكى جىددىيلىكنىڭ ھېلىھەم پەسەيمىگەنلىكىنى كۆرسىتىپ بەرگەن ئىدى.

بۇ نوقتىدىن قارىغاندا، خىتاي دائىرىلىرىنىڭ ئۈرۈمچى ۋەقەسىدىن كېيىن ئۇيغۇر رايونىدا بارلىققا كەلگەن جىددىي ۋەزىيەتنى ئوڭشاش ئۈچۈن تۈرلۈك تەشۋىقات ۋاستىلىرىنى ئىشقا سېلىۋاتقانلىقى، " ئۈرۈمچى" فىلىمىنىڭمۇ دەل خىتاي دائىرىلىرى يولغا قويۇۋاتقان سۇنئىي تەشۋىقاتنىڭ بىرى ئىكەنلىكى مەلۇم بولماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت