Хитай мунасивәтлик даирилири уйғур елидә миллий тил - йезиқтики нәшриятларни тәртипкә салмақчи

Хитай мунасивәтлик даирилири уйғур елидә миллий тил - йезиқтики нәшриятларни тәртипкә салмақчи. Шинхуа ахбаратида көрситишичә, хитай һөкүмити бу қурулушқа 300 милйон йүәндин артуқ мәбләғ аҗратқан. Бу қурулуш хитай һөкүмити йеқидин буян йүргүзүп келиватқан " шинҗаңға ярдәм бериш" сияситиниң муһим тәркиби қисми икән.
Мухбиримиз җүмә
2010.08.02
Share on WhatsApp
Share on WhatsApp

Қурулуш җәрянида қәшқәр уйғур нәшрияти, шинҗаң пән - техника нәшрияти, или хәлқ нәшрияти, қизилсу қирғиз нәшрияти, шинҗаң сәһийә нәшрияти вә шинҗаң ун - син нәшрияти тәртипкә селинидикән.

Хәвәрдә мәзкур мәбләғниң миллий тил - йезиқтики нәшр базилирини қуруп, "аз санлиқ милләт аммиси" яхши көридиған нәшр әпкарлирини көпәйтишкә ишлитилидиғанлиқи илгири сүрүлгән.

Дуня уйғур қурултийи баянчиси дилшат ришитниң билдүрүшичә, уйғур елидә уйғур тилиниң ишлитиш көлими барғанчә тарайтиливатқан нөвәттики шараитта, хитай һөкүмитиниң бу хилдики сиясәтни йолға қоюши әҗәблинәрлик икән.

Униң қаришичә, хитай һөкүмити бу арқилиқ биринчидин, миллий тил - йезиқтики нәшр буюмлирини контрол қилиш мәқситигә йәтсә, иккинчидин, бу нәшриятларға болған башқурушни күчәйтип, уйғур ели хәлқниң пикри әркинликини техиму чәкләш мәқситигә йетишни көзлигән болуши мумкин икән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.