Qirghizistanda özbék-qirghiz milliy toqunushigha munasiwetlik 17 ademge muddetsiz qamaq jazasi bérildi

Qirghizistanning jenubidiki osh we jalal-abad obalstlirida yüz bergen özbékler bilen qirghizlar arisidiki toqunushta 400 din artuq ademning ölgen
Muxbirimiz ümidwar xewiri
2010.11.24
Share on WhatsApp
Share on WhatsApp

Bu yil 6-ayda qirghizistanning jenubidiki osh we jalal- abad  obalstlirida yüz bergen özbékler bilen qirghizlar arisidiki toqunushta resmiy melumatlarda 400 din artuq ademning ölgenliki éytilghan bolsimu, biraq ölgenlerning sanining  emeliyette buningdin köp ikenliki bildürülgen idi. Qirghizistan sot da'iriliri toqunush keltürüp chiqirish we adem öltürüsh bilen bir qisim kishilerni sotlighan bolup, 23-noyabir küni jalal abad oblastining suzaq nahiyisidiki sot mehkimisi sot échip, 17 kishini 12-13-iyun künliri 16 ademni öltürüsh jinayiti bilen eyiblep, ularni muddqetsiz qamaq jazasigha, ikki ademni 25 yilliq qamaq jazasigha höküm qilghan.

Amérika awazining xewer qilishiche, bu kishiler 12-13-iyun künliri suzaq nahiyisining ahalisi osh-bishkek tash yolini qamal qilip, mashinilarni tosqanda adem öltürgen.

 Perghane uchur torining xewer qilishiche, mezkur yol tosqanlar mashinilardiki ademlerge oq chiqarghan we 9 mashinini köydürüwetken. Xewerde éytilishiche, jalal abadning suzaq nahiyisidiki mutleq köp sanliq ahale özbékler bolup, yol tosqanlarning hemmisi özbékler iken. Ular özlirini qoghdash üchün bu ishni qilghan. Amérika awazining xewiride sotlan'ghanlarning millet terkibi éniq emes deyilgen. Biraq perghane uchur torining yézishiche, 16 neper ölgüchining hemmisi qirghiz, öltürüsh bilen eyiblinip, muddetsiz qamaq jazasigha höküm qilin'ghanlarning hemmisi özbéklerdur. Yerlik puqralar bu déloda nurghun éniqsizliq barliqini éytishqan.

Oshtiki toqunushta asasliq özbéklerning ölgenliki we özbéklerning öy-makanlirining köydürülüp, 100 ming etrapida özbékning qoshna özbékistan'gha qéchip bérip panahlan'ghanliqi xewer qilin'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.